Hiro’a : e turu i te puta e te 'upa (2-07-2009)

Ua amo te faatere hau o te ta’ere ma’ohi, Jean-Marius Raapoto, i te aro o te apooraa faatere hau i te mau ture roto no te tauturu i te tuhaa o te hiro’a.
E mau tino moni tauturu teie o tei faitohia e te tomite hi’opo’a i te afata haamau’araa a te fenua o te apooraa rahi, ia au i te faa’uêraa a te papa ture hope’a o te fenua nei.
E 8 mirioni farani tei faataahia no te faatiâni o te puta papa’i ; na te Fare Tauhiti Nui e te Taatiraa o te feiâ nene’i puta te reira tuhaa moni tauturu e faa’ohipa no te hoo mai i te puta ‘api no te Piha tai’o e te pere’oo puta a Te Fare Tauhiti Nui, e no te faanaho i te Areâ o te puta (Salon du livre) i Tahiti e i te mau motu, e no te faahaere ato’a i to porinetia taata papa’i i te Areâ o te puta e tupu i Paris e i faahope, no te nene’i i te ho’e ve’a e faatara ia Taiarapu.
Te tahi teie o te mau faanahoraa e arata’ihia mai e te faaterehau o te Ta’ere ma’ohi no te haafaufaa i te ana’anatae o te taata i te tai’o e te papa’i ato’a.

Aita te ‘upa i mo’ehia i te mea, e turu ato’ahia te Huiraa pahu e te titara. E huiraa teie e tavevo na Patitifa, o te tupu i te ava’e ‘atete. E ti’a ato’a ia faahitihia te tauturu a te fenua i te ho’e o to tatou o tê reva atu no te tata’uraa ‘ori auahi i Vaihi.